Jessica嫁翻版陳家樂做聽話煮飯婆

32歲的Jessica昨日在社交網透露快將做人妻，並上載與未婚夫的甜蜜合照。見貌似陳家樂的Steven將她攬到實一實，女方手上的求婚戒指亦相當搶眼。Jessica留言：「首先恭喜陳生（Steven），他燒了三輩子的好香，這輩子終於可以娶我回家，恭喜晒。之後恭喜自己榮升超人，從此之後聽教聽話，洗衫煮飯打掃全包在我身上。聽落好像有點累，但我很樂意。恭喜有情人終成眷屬，人生很圓滿。他是我的天使，我每天都很想感謝他。」

泰國浪漫求婚

Jessica受訪時透露未婚夫在港從事金融行業，由於對方是圈外人，加上初初拍拖時是遠距離戀愛，故未有公開戀情。談到求婚經過，她說：「喺泰國發生，佢串通埋我經理人，同我講泰國有工作，入到酒店房見成屋氣球、玫瑰花，佢同我求婚，嗰下感動到眼濕濕，冇諗過佢咁細心安排一個咁浪漫嘅求婚。」

Aka警告Steven

至於隊友Yanny表示一早睇好Jessica會「跑出」；Cheronna則說：「好感動，知道佢係一個待嫁女人，可以見證佢人生另一階段，戥佢開心，希望佢幸福快樂。」至於Heidi說：「畀佢搶閘做到SG首位人妻，知佢想生小朋友，佢宣布婚訊唔意外，恭喜晒。」而隊長Aka「警告」Steven要對Jessica專一：「否則唔同佢客氣。」