莊思敏想拍拖獵物中外通殺

名模莊思敏與貝安琪（Ankie）昨日晒腿現身大埔超級城出席復活節主題活動，Ankie表示會與囝囝留在家中邀請朋友玩Easter Hunt過節。單身的莊思敏則搞笑表示要玩「Man Hunt」，提起妹妹莊思明日前放風指3年內會嫁男友楊明，她充滿信心地說：「我一定要快過佢！（依家生仔先？）搵到個人先得o架！會盡量阻止佢，等佢遲過我。」身旁的Ankie即媒人上身話有男仔介紹，但事先聲明是老外，莊思敏即笑說：「呢個時候咩都OK！（趕住拍拖放低條底線？）唔係，係女仔都想拍拖，尤其是大時大節難約朋友。」講到舊愛吳浩康被爆暗撻崔碧珈，莊思敏表示沒有恭喜對方：「等佢公開承認先Message佢哋。」