為咗3隻長頸鹿 衛詩雅險嫁非洲靚仔
藝人衛詩雅與擔任司儀的森美昨日出席運動品牌活動，衛詩雅自爆7、8年前曾在非洲被求婚，當時她下榻酒店，日日去餐廳食飯，對方是員工：「佢好nice，黑人嚟講都幾靚仔，好高好瘦，大家見到都會笑同講早晨。」
有日對方竟然透過衛詩雅朋友表示想向她求婚，她說：「我以為佢講笑，仲話如果佢有三隻長頸鹿我就嫁畀佢，隔咗一陣佢返嚟，好認真咁講冇長頸鹿，但有三隻大笨象，我話唔得，我鍾意長頸鹿！之後大家都笑囉，都唔知佢認真定講笑。」
經理人鬧爆
回港後衛詩雅跟經理人分享這件趣聞，卻被罵了一頓，指對方若然很認真又真的有長頸鹿，將她困住怎辦？問到若現時有人向她求婚，會開出甚麼要求？她笑言：「依家我鍾意大笨象，如果佢依家問，可能我要嫁去非洲啦！不過非洲人娶好多老婆，我接受唔到。」想睇動物大遷徙的她，希望將來男友在非洲求婚或舉行婚禮。