祖兒韓國排舞 忍口抗美食

祖兒呢個騷長腿造型，盡顯型格。

天后容祖兒8月演唱會以《Pretty Crazy》為名，早前她飛到韓國為同名新歌拍攝MV，歌曲製作、排舞到MV全由韓國團隊主理，舞蹈編排由香港排到去韓國，笑言充滿「泡菜味」：「動作看似唔係太複雜，其實身體嘅協調性、節拍感嘅捕捉，成個節奏快慢嘅dynamic都非常吸引。」MV中她換了七個造型，每個造型都配以不同的妝容及髮型，拍了足足20小時，是一大挑戰。

唔crazy係pretty

MV導演設計了多個拍攝場景，包括羅馬雲石宮殿、以鏡子折射打造出infinity視覺效果的鏡箱、多個CCTV砌成的道具燈、電單車頭盔等古靈精怪元素，令畫面更配合歌曲主題。歌名的題材靈感來自填詞人黃偉文，祖兒說：「啲人講『別人笑我太瘋癲，我笑他人看不穿』，就係我哋呢種人啦，我覺得阿Y（黃偉文）唔係寫緊我，因為我唔係crazy，不過pretty囉，但喺好多朋友心目中，我應該係幾crazy嘅！」

約金燕玲飯敍

距離演唱會還有四個月時間，祖兒開始努力Keep Fit，即使在韓國美食當前，亦自律地沒有喪食。此外，前晚祖兒跟患子宮癌的金燕玲飯敍，密友蘇施黃上載多張合照，並透露金燕玲已接受第三次化療，比之前兩次精神，似乎抗癌進度理想！

利用鏡箱的鏡折射打造出infinity視覺效果，正！	祖兒到韓國拍攝MV，舞蹈充滿「泡菜味」。	祖兒約飯敍，金燕玲精神不俗。