陳自瑤全家旅行未成事囡囡習慣晒

藝人陳自瑤與日本美魔女水谷雅子昨日在銅鑼灣出席護膚品活動，陳倩揚則擔任司儀。陳自瑤大讚水谷雅子皮膚又白又滑，難以想像是50歲，更即席請教護膚心得，對方則教她攪果汁稱有美白作用。

學媽媽扮靚

陳自瑤與老公王浩信有個可愛女兒，問到囡囡可有學媽媽扮靚？她笑說：「梗係有，生女就係咁，佢有攞我啲護膚品、唇膏嚟搽，仲着我啲高踭鞋，都有影低相留念。」講到王浩信日前透露計劃家庭旅行，她坦承已很久沒有一家人去玩，但未知能否成行，要再計劃：「個女都冇投訴，佢都習慣晒，自己一有時間就會陪住個女。」

挑戰美魔女

講到護膚心得，她指即使拍劇很忙，回到家亦要照顧小朋友，但仍然堅持每日敷面膜。被問到可有信心將來也成為美魔女？她笑說：「我會向呢個目標進發，點都要話有信心。」