李璨琛停牌湊女當運動
藝人李璨琛昨日現身電台訪問，提到女兒李元元剛踏入1歲，他即變身暖爸：「佢開始學行、識搭嗲講BB話，依家好玩，唔再係一舊飯。」又指逛公園和行超市是父女指定節目，又經常帶女兒出席朋友聚會。雖然現時停牌，但他指不駕車亦有很多好處：「腳用多咗、跑多咗，揸車係方便，但皮費重，叫車其實都好方便，孭住個女當做運動，一舉兩得。」
他又透露預計五、六月在港開拍新戲，兼任監製及演員，若要離港也冇所謂，因仍可跟囡囡視像通訊。提到於今屆香港電影金像獎角逐男配角，他表示平常心，認為對手袁富華及黃德斌好勁。