情慾戲狂NG陳湛文冇力動Ｌ
同樣角逐金像獎「最佳新演員」的陳湛文，憑首度參演的電影《三夫》入圍，不過對於奪獎卻直言冇信心，反而睇好戲中拍檔曾美慧孜（小美）封后。
談到首次拍電影便要應付大量情慾戲，陳湛文不諱言當初擔心導演陳果要求「真做」：「我未去到個層次，可以用角色身份投入真做，對住鏡頭要即刻嚟，點算呢？除非食藥，但好傷身，現場9成9都係導演指導，最高峰NG咗16、17 Take。（拍到對性麻木？）唔會，好分到，其實同女仔咁親密接觸，男仔尷尬啲。」問到有否生理反應時，他斷言絕對沒有，因拍攝時體力消耗非常大，再加上小美增磅拍攝，其中一場戲他要舉起對方，少一點力氣也應付不來，他笑說：「我生理反應係肌肉谷大咗，Sexual絕對冇。」