加拿大天王Justin Bieber在愚人節，戲稱索模老婆Hailey Baldwin大肚而捱轟，有不少網民鬧他不尊重不育及懷孕有困難的人士。前日，他就今次玩「大」咗而留言道歉：「總是有人會被冒犯，亦會有人唔愛被開玩笑。我係整蠱王，而當日亦係愚人節，我唔係有意冒犯不育人士，我認識好多人都在愚人節話畀家人聽自己大肚，但無論如何，我都會向被冒犯的人道歉及承擔責任。我真係唔想因為整蠱行為而傷害到任何人，有時我真係唔知會令人受傷。」而他更形容今次情況就如在妹妹生日時向她掟蛋糕，以為她會笑但反而爆喊！