林夏薇有戲都唔拍疊埋心水「造人」

藝人林夏薇、吳卓羲（Ron）、陳柏宇、鄧小巧、音樂人鄧智偉、商界女強人胡曦文等前晚出席《博愛醫院百周年（己亥年）董事局就職晚宴》。林夏薇身穿黑色晚裝裙凸顯白雪雪的皮膚，精神較之前好，笑言：「少咗幕前演出唔使拍劇出外景，多咗時間陪屋企人同打理飲食生意，遲吓會再開分店，同其他品牌合作。（係咪唔再拍劇？）唔好提，提起我就有戲癮，自己鍾意演戲，但係依家生活方式唔同，有機會先啦，都有電影、電視劇搵我，但依家想陪家人先。」問到是否努力「造人」？她說：「係，順其自然啦！」