欣宜儲定歌恨回鄉開騷
藝人鄭欣宜前晚以行動大使身份，現身apm出席關注自閉症兒童的慈善活動，還收到小朋友送上的DIY感謝卡，令她大表感動。她表示從任職老師的朋友口中得知，因不少家長對自閉症認識不多，令患病的小朋友未能及時得到適當教育，希望自己可以幫忙帶出更多正面訊息。
提到日前返加拿大參加慈善音樂會，欣宜興奮地說：「原來我入行12年，第一次返加拿大演出！好開心有由細湊到我大嘅屋企人嚟睇，佢哋都係第一次睇我唱歌！好感動！（想返加拿大開騷？）梗係希望啦！但我唔貪心，去邊度都得，可以計劃吓，但依家要儲多啲歌先。」又透露正學唱歌，稍後會錄製新歌。