歌手菊梓喬（Hana）昨日在唱片舖舉行簽名會，首次推出黑膠唱片的她大表開心，指每張碟都印有編號，甚有收藏價值。問到是否擁有001編號？她笑言：「我嗰張係058，因為靚編號應該畀hifi發燒友訂咗嚟收藏。」
Hana坦言從沒想過擁有一張自己的黑膠碟：「唱片公司事前冇話我知，等萬事俱備先通知我，真係好驚喜。（以後出碟都會出埋黑膠碟？）唔敢奢望，有一張都好滿足。」
