李漫芬紅運當頭鞋頭向外趕是非

她自言經常穿紅色衣服，因為感覺喜慶，並取其諧音「紅」運當頭；又將拖鞋放在家門外，鞋頭向出，希望送走是非；她亦經常佩戴金屬首飾，寓意財源滾滾來。Fanny表示：「我聽過藝人着紅色多是非，但我做司儀成日着喎，咁仲應唔應該着呀？仲有，我好鍾意戴頸鏈，最近有朋友送咗條珍珠頸鏈畀我，設計上都有金屬，我好鍾意呀！」

陳子才：對小人作用不大

對於Fanny的催財和遠離是非招數，堪輿學家陳子才表示：「佢嘅命格屬陰木、生於農曆五月，金、水為喜，開運顏色為金、銀、黑、白、灰、藍色，所以多佩戴金、銀飾物可以加強整體運勢。至於想增強財運，建議佢可以多用米、黃、咖啡色，同埋着多啲紅色衫亦可以加旺喺娛樂圈嘅工作運。」至於將拖鞋放在門口，將是非送出門外，他則指此舉對小人的作用不大。