陳小春禁囝囝上台：成舊番薯咁！
陳小春將於澳門開騷，相隔14年「的起心肝」開個人演唱會，不過他沒打算叫兒子Jasper上台唱歌，只想對方在台下揮動螢光棒高呼「爹爹」，做他頭號忠粉。
「Angry Dad」小春將於4月6日在澳門威尼斯人金光綜藝館舉行《陳小春STOP ANGRY巡迴演唱會》，提到他擁有不少失戀男士必唱的金曲，為何相隔14年才開騷？他說：「由2013年開始同『古惑仔』班兄弟開咗咁多場騷，信心返晒嚟，只係自己開騷要畀乜嘢人睇先？最怕自以為好新潮，但出嚟大家覺得『娘』，真係一線之差！」
「情願佢坐定定」
小春笑言：「多得屋企條o靚仔囉，開頭都少少抗拒用『Stop Angry』做巡唱個名，但被監製說服，咁要多謝我個仔畀我呢句說話。（到時會捉Jasper上台？）唔好啦，推佢上台都唔知點，成舊番薯咁！情願佢坐定定，嗌吓我『爹爹』仲好啦。」見他與兒子相處融洽，似乎有一套教子方法，他說：「仲學習緊，佢未出世前，我幻想唔到咩一回事，到佢出咗世抱上手，嘩！似舊番薯喎！到佢識講嘢，再去拍節目又係唔同階段。臨瞓前會攬一攬，佢會同我講『Good night daddy , I love you too！』呢吓夠晒皮啦。」
計劃明年踏紅館
問到何時返紅館開騷？他說：「上年個個都話要2019年開，係咪2020年世界末日呢？咁我就2020年囉。我有諗過2020年係結婚10周年，最好係11月11至13日，因為11月13日係結婚紀念日，完咗騷第二日飛去滑雪慶祝。」
場地：HEXA六公館