龐景峰狂NG 24 Take先收貨

藝人龐景峰昨日到電台宣傳新歌《In love》，指MV找來女友與嫲嫲處女下海演出，估不到嫲嫲演技出色，只需兩Take便完成：「嫲嫲佢叻我好多！我初入行拍戲最高紀錄係24個Take，因為咬字唔清又表達得唔夠好，依家通常3、4個Take已經收貨。」他又指最近與父親錢小豪合作內地電影《靈幻大師》，首次正式有對手戲，亦是首次擔正做男主角，拍攝期間只曾放假一天！他透露小豪雖有教如何拍動作戲才好看，但都會任由他去撞板，從失敗中學習：「如果我將來做爸爸都會咁樣教，等小朋友勇於嘗試。」