黃翠如收追魂Call 照住「阿嫂」梁諾妍
藝人黃翠如、丁子朗前晚在港出席MAX&Co.「MAX IT UP春夏時裝秀」，翠如甫見到同場的洪永城（Tony）女友梁諾妍，立即上前擁抱兼合照，並大爆：「我唔同你影相會畀人鬧o架！」續指原來Tony事前曾以「追魂Call」吩咐她代為照顧女友：「佢搵咗我幾日，Call咗我四次，叫我一定要照顧阿嫂，我從來冇覺得自己喺佢心目中係咁重要，所以呢張合照一定要影，唔係有排煩。」
鬧「小三」好煩
提到日前她親自下廚「慰夫」，翠如指老公蕭正楠相當滿意其廚藝，反而「小三」曹永廉就意見多多：「阿廉不停話我買外賣當自己煮，啲小三好煩，成日想搞禍我哋。嚟緊佢哋連飛三個國家，成個月冇得見，可能到時係佢哋有好消息公布。」
至於梁諾妍透露其健身中心將由中環搬至鰂魚涌，舖位大近一倍，問到會否升男友做鑽石級會員？她笑言：「反而要收多啲錢就真，我係佢嘅私人教練，一對一好貴。」