祖兒姑奶豪到極送樓包酒席

祖兒榮升「大姑奶」，大手筆送樓又包酒席！

容祖兒昨日出席電台頻道標誌發布會，講到弟弟容逸恆將與拍拖多年的「翻版阿嬌」女友結婚，即將榮升大姑奶的她心情大靚，笑不攏嘴說：「係呀，好開心。（幾時結婚？）6月。（你生日嗰日？）唔係，早過我生日。」之前她已送了樓給弟弟，之後亦會包辦酒席。問到是否開心等「飲茶」？她笑言：「我諗緊我使唔使着旗袍或裙褂，同埋都會搵大妗姐，令件事正式啲。（你做埋咪得？）我上次亂噏。」她指現時心情好Amazing，不信細佬會成家立室。對於細佬爬頭結婚，她說：「最好係咁啦，媽咪就會Focus喺佢度，唔使理我。」

乘機沖喜

問到對弟婦的意見，祖兒說最緊要細佬開心：「我都覺得幾好，佢哋相處幾夾，我細佬唔係咁易處理，佢有自己性格，我哋唔可以畀太多意見佢，但又唔可以完全唔理佢，呢個女仔啱啱好。」有指弟婦甚似其好姊妹鍾欣潼（阿嬌），她笑言：「阿嬌都話『幾似喎』，都係靚女嚟。」又說媽咪對弟弟結婚很開心：「可以沖喜吓，媽咪同細佬今年都犯太歲，我都犯犯哋，所以沖喜就冇晒事啦。（媽咪心願想睇你兩姊弟結婚？ ）當然想我哋有個好歸宿同另一半。（你幾時達成佢嘅心願？）我梗係想聽日就係啦，哈哈，想之嘛！」

容媽媽最想子女成家立室，祖兒笑言「聽日就嫁」！

祖兒胞弟容逸恆爬家姐頭，與女友Samantha拉埋天窗。

入行20年出Logo

今年是祖兒入行20年，特意找設計師設計了Logo，上有她的英文名縮寫「JY」、20及喜愛的鬱金香元素，Logo將印在演唱會周邊產品上，計劃出藍牙耳機、潤唇膏等。