陳瀅爆陳家樂請食飯賠罪
藝人陳瀅昨日出席朱古力店復活節活動，即場示範整朱古力。問到可有收過男仔送的朱古力？她說：「又冇喎，餅就有，咁自己造嘅禮物係會加分嘅，試過幾次收禮物，喺禮物入面夾雜埋張收據，呢個都唔係重點，重點係睇到份禮物係見面前兩個鐘先買，證明佢冇花過心思。」
問到緋聞男友陳家樂可有送禮物給她？陳瀅笑謂禮物就沒有，但對方曾請她食飯賠罪：「因為拍《廉政行動2019》一場落水戲，講佢唔識游水，事實佢亦唔太識，佢喺水中掙扎，佢一手撳住我，撳我個頭落水借力，又批我一㬹，差啲死。」她又稱近日為《降魔的2.0》開工，客串演女鬼，問到會否像劉佩玥般要被洪永城舔面？她笑說：「唔好啦，自己寧願舔朱古力囉！」