組合E-Kids成員阮民安（Tommy）2016年與模特兒張倚雯（Eva）結婚，Eva翌年誕下大仔阮治童，本月25日再誕下二仔。她昨日發文分享分娩過程：「感恩第二胎真的比較快，痛是同樣的十級痛，但痛的時間較短。經過這次之後，我決定真的不會再生啦！人生收穫兩個兒子已經超！滿足了。」
記者聯絡上Tommy道賀，問到養育兩名小朋友，經濟上可有壓力？他說：「好多人都問我呢個問題，其實我2012年已經開始放下全職藝人工作發展幕後，7年嚟分別喺內地、台灣及日本有網上生意，而且近年已發展到做品牌、藝人及商場活動，努力搵錢維持幸福家庭。」又稱太太說過細仔會幫他：「意思唔係話細仔會幫我搵錢，而係佢會令我去諗點樣開發新事業。」