周汶錡嘆兩子爭玩具

名模周汶錡前晚出席活動時透露，日前細仔Avner兩歲生日，問到大仔Jacques可有送禮物給弟弟？她即爆兩兄弟爭玩具：「我叫阿哥同細佬一齊拆禮物，佢拆完話『It's mine』！細佬仲細，唔知發生咩事。」又稱會叫親友封利是給兒子作禮物，再全數捐贈予山區兒童作助學用途：「啲小朋友會寫信嚟，有意義又開心。（帶囝囝去探訪？）會，畀佢哋知道唔係個個小朋友都咁幸福。從小培養佢哋有愛心，對長大後做人同工作都有幫助。」