李蘊囡囡被欺凌打不還手

27歲的Renee完成「人生目標」，2016年下嫁內地金融才俊羅章冠，同年誕下大女羅紫晞，相隔兩年幼子羅明新出世，短短數年湊夠「好」字，一家四口樂也融融！

貪玩唔怕醜

身為年輕媽媽的她大談育兒心得，先要認清子女性格：「我大女性格樂觀同貪玩，又唔怕醜，好主動同熱情。佢畀人蝦時唔會駁嘴同還手，因為我教佢畀人蝦時一定唔可以還手，但要同老師或爸爸媽媽講，要識得保護自己。」

唔呷細佬醋

不少人指父母難免會偏心其中一個小朋友，但Renee絕對不會，指大女非常大愛，對細佬照顧有加：「晞晞好錫細佬，每朝起身佢都係搵咗細佬先，完全冇呷醋呢樣嘢，我好慶幸佢完全冇醋意，亦唔會對細佬有咩攻擊行為。我希望佢哋兩個長大咗，一直都相親相愛。」更笑言大女愈來愈成熟，十分欣慰。

育兒心得：

注意清潔

半歲大的小孩喜歡將物件放入口，如非安全、清潔的地方，不應將BB放在地上。

不可體罰

3歲大的囡囡處於「對抗」階段，經常挑戰父母底線，切記不可任意體罰，免適得其反。

切忌偏心

兩個都是寶貝，切忌偏心，若在不能選擇的情況下，李蘊會偏向開始懂事的大女。

羅紫晞剛出生時圓碌碌，勁可愛。	李蘊指囡囡貪玩，但未試過對細佬「郁手郁腳」。	兩姊弟相處和睦。