陳奕迅廣東話開Talk 無辜遭內地生狠插
歌手陳奕迅（Eason）日前在公開大學舉行分享會被指黑面，再有網友在社交網發文力數他當日遲到、講廣東話令內地及海外學生聽不明白，感到不被尊重，Eason前晚在另一間大學辦分享會時主動提起爆Seed事件，直言自己亦很難受。
Eason日前在公開大學為專輯進行巡迴分享會，事後有網友在社交網指當日台下有學生一心合照及只顧玩手機，令Eason頓變黑面神！
老屈遲到兩粒鐘
事件持續發酵，有自稱該校內地碩士生的網民發文，力數Eason當晚多宗罪，先指他遲到，令學生看了兩個小時宣傳片；又指整個分享會以廣東話進行，令內地及外國學生聽不明白，當時Eason向在場學生表示：「如果你們聽不懂粵語，那還坐着看甚麼？來到我們地方就要會我們的語言」；同時嫌分享會內容質素太差，並指有同學見到Eason到場落車時已黑面，質疑「可能沒有尖叫和暈倒讓這位宇宙巨星不爽吧。」不過有網友留言反駁，指活動流程早已說明先播兩小時紀錄片，之後才舉行一小時分享會，而且活動海報寫明活動以「Cantonese」（廣東話）進行，為Eason平反！
諗過落台質問
至於Eason前晚繼續行程去城市大學辦分享會，期間主動重提事件：「你哋投入成件事就得，你唔鍾意係可以唔喺度，冇所謂。如果無端端嚟聽歌睇戲，有乜用？點解要喺度？我好『銀』眼。」續指當日想過幾種方法應對：「諗過我都攞部手機出嚟，但如果做呢樣嘢焦點就喺我度，會影響台上其他人；又諗過落台問佢玩緊乜？又或者同佢講個綠色出口好得意，不如你出去。以前我會咁做，但我唔想Make a scene（大吵大鬧），但結果都Make a scene，人就係咁。」直言發脾氣收場，其實自己不好受，亦不開心。