糖兄妹重臨發迹地開騷
歌唱組合糖兄妹昨日到旺角商場舉行Live Show，闊別多年再重組，吸引不少Fans捧場。兩人最近推出新歌《預知天線》，「糖妹」黃山怡表示這些年兩人分開發展經歷很多，成長了不少：「以前做訪問好慌張，講嘢亂晒籠，依家舒服自然咗好多。」
昨日演出的商場是多年前兩人出道的地方，糖妹表示前一晚特別找回首次出Show的舊照片回味一番：「最開心係依家瘦咗好多，冇晒Baby Fat，記得我哋係喺呢度畀人發掘，當時唱片公司老闆畀卡片我哋，我哋即刻Check吓係咪真，咁就十年！」而糖兄表示這裏猶如木人巷，Live表演經歷過很多狀況，例如大病都要照唱，糖妹則笑說：「因為呢度12樓，我成日行錯路，好趕時間嘅話要跑樓梯衝上嚟！」