任達華炒車獲好心人義載
藝人任達華與太太琦琦、張智霖與老婆袁詠儀等前晚出席活動，任達華自爆抵達會場前發生四車連環相撞：「我過嚟嗰陣出咗紅隧後遇到四車連環相撞，我係第三架車，被第四架撞到個尾，我司機受咗傷，條尾龍骨整親，所以報咗警，去咗醫院檢查。」
他續說幸得熱心司機載他到會場，令他覺得人間有情：「咁嗰度搭唔到車，於是揮手截車，真係有架私家車停低，我問佢可唔可以車我去有車搭嘅地方，佢好好人問我去邊，車埋我過嚟，真係人間有情！（因為你係任達華？）唔係！佢事先唔知我係邊個，我上咗車之後佢先知。」
張智霖收藏名畫升值兩倍
而張智霖則與老婆袁詠儀分開到場，他表示愛收藏藝術品，自言眼光不錯，幾年前買下價值七位數字的畫，現時升值了兩倍幾價錢。