陳家樂陳瀅緋聞情侶撻唔着！
藝人陳家樂與陳瀅這對緋聞情侶前晚合體為新劇宣傳，家樂表示劇中兩人沒有感情戲，現實中亦只視對方為好拍檔。至於剛從緬甸返港的陳瀅在探訪之行全程爆喊，臨別時還跟三名助養的小朋友抱頭痛哭。
陳家樂孖緋聞女友陳瀅、黃智賢（Ben）及滕麗名等前晚出席劇集《廉政行動2019》首映禮，家樂笑言一直未有機會與陳瀅合體宣傳新劇，他否認刻意避開對方：「佢之前飛咗去緬甸，依家又到我飛，我今晚就要起程去墨西哥拍戲。」講到之前與陳瀅的緋聞傳得鬧哄哄，他笑言大家是拍檔，兩人在劇中亦沒有感情線：「導演想畀人感覺第六集有感情線，但套劇只得五集。」至於動作場面，他坦言不算多：「啲人睇ICAC，以為好似重案組同警察咁要揸槍，但其實係要申請先有槍，原來咁多年嚟佢哋係從未開過一槍。」
探訪緬甸喊唔停
至於陳瀅透露首次探訪緬甸令她感觸良多：「之前諗要做啲乜嘢令佢哋開心，但後來發覺佢哋畀我嘅快樂更多。我有煮嘢畀佢哋食、同佢哋玩，一齊相處咗四日。我哋有時好小事都會好大壓力，但佢哋每日係面對生存問題，所以唔好將自己嘅事睇到有咁大影響。」她坦言此行非常感動，喊個不停，還助養了當地三名小朋友：「諗到點解佢哋會喺度就覺得好心痛。送別嘅時候大家都好唔捨得，我都抱住佢哋喊。」
黃智賢撞傷頭有幻覺
另外，Ben拍攝其中一場動作戲時不慎撞傷頭部：「我撞埋條橫樑，成個人向後跌落地，當時暈一暈，休息咗一個鐘。撞完有少少幻覺，見到自己有四隻手。」