新戲香港上映 孔孝真心思思入場

韓國女星孔孝真及名模馬詩慧（Janet）等，前晚在港出席活動。再度來港的孔孝真表示十分興奮，提到與韓星曹政奭主演的電影《飆風特警》正在香港上映，她笑言希望大家多多支持：「我好少電影喺香港上，我知戲中演員喺香港好受歡迎，自己都好想入戲院睇睇！」
難得來港出席活動的孔孝真，不忘力Sell新作。
難得來港出席活動的孔孝真，不忘力Sell新作。

而同場的Janet被問到甄子丹早前出席慈善晚宴備受歧視一事，Janet指兩名女兒王曼喜和王麗嘉亦有出席，但未有聽女兒提及被歧視：「冇特別喎！（點解你冇去？）都冇邀請我，算唔算被歧視？佢兩個細路女去，純粹為咗影靚相，廁所都可以影一餐！」她又自爆出門前與老公王敏德有小爭執，笑言老公甚有風度，多數會主動和解。

馬詩慧（左）與琦琦姊妹聚頭傾唔停。
  • 馬詩慧（左）與琦琦姊妹聚頭傾唔停。