一家四口返港 鍾嘉欣轉型做唱作人

已移居加拿大的藝人鍾嘉欣，昨日現身活動與粉絲玩遊戲兼唱歌。已相隔一年未有在港公開示人的她，透露今次一家四口返港，約逗留三星期：「囝囝七個月大，第一次出省搭飛機，佢好乖，瞓足九個鐘，又電吓空姐，個個都走過嚟搣佢面珠。」
嘉欣為囡囡作曲填詞，預告新歌下月面世。
嘉欣為囡囡作曲填詞，預告新歌下月面世。

她表示下月會推出新歌，由自己包辦曲詞，並首次擔任監製：「首歌係我人生最重要嘅歌，因為係寫畀囡囡。（會唔會為老公同囝囝寫歌？）睇吓佢哋乖唔乖先。其實我都作咗好多首歌，依家拍劇比較難，因為工作時間長，但做音樂就比較容易控制時間，我都好喜歡創作。（一對仔女有冇爭寵？）家姐會爭住抱細佬，佢哋愛對方仲多過愛我。」她又感恩雖然離港很久，但粉絲並沒有忘記她，笑言小別勝新婚。

嘉欣爆囝囝在飛機上電暈空姐。
  • 嘉欣爆囝囝在飛機上電暈空姐。