盛傳抑鬱及婚變的25歲加拿大天王Justin Bieber，於社交網宣布暫別樂壇，更明言要挽救健康及維繫與老婆Hailey Baldwin的婚姻，言談間又表示要做好爸爸，驚傳兩小口已「搞出人命」！
Justin近日於Instagram撰長文表示：「我見到好多留言話想要新碟……我成個青春期同埋廿歲頭用晒喺巡迴表演，我知道你哋可能睇到我上個巡迴好唔開心，咁對我唔公平，對你哋都唔公平，你哋畀錢嚟睇一個充滿活力同趣味嘅騷，但我去到巡迴尾聲，喺情感上冇法交到貨。我同大家一樣去摸索、喺錯誤中成長，依家我好集中修補好多人都有嘅深層次問題，等我可以維持婚姻，做到心目中嘅老竇。」
他繼而表示音樂雖然很重要，但家人與健康是優先，承諾會盡快回歸樂壇，製作一張勁爆專輯，又感謝上帝的大能，他將會捲土重來。最後他又為自己的文法錯誤「戴頭盔」解釋：「文法同標點好差，你就當係睇我嘅手機訊息，唔好介意啦！」大批粉絲與圈中人包括其老婆Hailey與經理人Scotter Braun，都派心心兼留言支持！
另一方面，日前曾於社交網否認婚變的Hailey，近日單拖與奶奶外出，更一度被影到當街摸肚，加上Justin想做好爸爸之說，二人即被傳有喜！Justin雖未有回應，但一講完暫別樂壇，就開心Share老婆於家中打扮性感的靚相放閃，只見女方仍未見肚，身材Fit爆！此外，他又於實時動態中，分享旗下服裝品牌將於本月29至31日在香港首度開Pop-up店的照片，未知屆時會否驚喜襲港？