陳豪舉起三個仔女：好Easy！

藝人陳豪及陳爽昨日到中環出席保健產品發布會，已為父母的兩人相當注重健康，陳豪透露近年經常運動，體能比以前更佳：「畀張繼聰影響咗我做體能，唔止係肌肉，仲有心臟，要注意自己食啲咩，夠唔夠瞓，以前好怕凍，要着十件衫，依家一件Tee就夠。」又笑言跟三個仔女玩耍都不會氣喘：「一次舉起兩個冇問題，三個都好Easy，一個都30磅o架！」他又表示會跟兒子分享飲食注意事項，大仔亦會試他的蛋白粉：「平時會計住啲卡路里，唔會食太多，中國人好鍾意食飯，成日要食得飽，但係多餘嘅飯就會變肥胖。（係咪想有120歲？）我梗係想過百，可以陪啲仔女耐啲，睇住佢哋生啲孫。」