楊紫瓊四圍飛攰過返工

前晚以主席身份出席晚會的女星楊紫瓊，Deep V晚裝上陣，期間與前夫的女兒潘楚穎合照，問到為何單獨現身，未見法籍「老公」Jean Todt，她指對方在海南島搞電動方程式賽事：「我聽日飛去倫敦（會合）見面，因為我哋依家一齊推廣道路安全。（稍後去旅行？）唔啦，去旅行仲攰過返工，我想留喺屋企休息多啲。（Jean咪好開心？）係呀！不過佢都成日飛，一個地方留幾日又要飛，辛苦過我。試過一個月冇見，雖然唔會facetime，但會傾電話，每日最少傾五、六次。」她又表示剛與愛瑪湯遜（Emma Thompson）合演電影《Last Christmas》，加上之前拍攝《Star Trek：Discovery》，致身心俱疲，故會聽從中醫意見多休息保養。