關之琳指現場混亂
有份出席晚宴的女星關之琳，昨日表示不知道甄子丹一家三口離場一事：「睇唔到，但聽到發生咗啲唔開心嘅事，我留到11點幾先走。我諗應該係安排上有啲混亂，安排失當，因為子丹唔會亂講。我因為有珠寶品牌邀請出席，所以有專人招呼我。唔知發生咩事，所以唔敢多講，但係亂就一定亂。」問到如果事件發生在她身上，會否離場？她說：「子丹咁好脾氣都即刻走，咁應該發生咗好嚴重嘅情況，同佢拍戲同識咗咁耐，佢唔係一個咁嘅人，如果我遭受咁唔禮貌嘅對待，都會起身走人！」
另外，歌手蘇永康前晚也偕太太馮翠珊現身，對於太太以透視裝亮相，他反問：「得唔得？我梗係話正！」對於甄子丹事件，昨天蘇永康回覆指前晚因要趕去電視城開工，所以只是「到一到」便走，不清楚事件的來龍去脈。