英國歌手Mel B日前宣傳新推出的自傳時，驚爆早年曾與辣妹（Spice Girls）隊友Geri Horner發生關係，據悉Geri事後嬲爆，更有知情者表示：「Mel B有傳短訊同班女講自己受訪講咗咩，但就連Sorry都冇講，佢真係需要認真修補同Geri嘅關係……件事雖然唔影響辣妹重組，佢哋對於開騷仍好興奮，但就對友誼造成傷害！」
至於Geri早年曾公開自爆與一個女名人上床，事後即發現自己對「She She」無興趣，網民連日表示其「對手」可能正是Mel B！另有傳聞指她私下已與身邊人否認曾與Mel B交歡，認為對方為谷新書而作古仔，而兩女暫時亦未公開回應是非。