千嬅夜半開工老公當撞鬼

千嬅忙為巡唱綵排，自爆連囝囝及媽咪都冇得見。

江門做預演

千嬅指今次乃首次把香港列為巡唱尾站：「每個城市天氣同水土都唔一樣，所以要訓練好體能，今次製作方好好，日前喺江門做咗一個預演，賣飛嘅，未試過綵排咁認真，好似正式咁，對成個團隊都有信心，整一場咁嘅預演都價值不菲，落場後即刻拆台運去廣州。」

兩公婆互兇

談到為巡唱在社交網列下「十戒」，千嬅笑指當中最難戒掉「生氣」的習慣：「有時控制唔到自己會好忟，我三星期冇乜見個仔同媽咪，但都要忍住，加上冇飯食，冇糖分又會忟，巡迴唱到明年3、4月，係挑戰耐性。（發洩喺老公丁子高身上？）佢好醒，發現唔對路會大聲過我，唯一令佢忟嘅，係我夜晚望住手機背歌詞，佢醒一醒望到以為撞鬼，瞓唔番！」

千嬅預告會在個唱中大跳70年代熱舞。

千嬅笑言未有向老公丁子高發洩，皆因他每次都避走成功。