周嘉莉「洗米水」護膚漂衫
藝人周嘉莉向來是環保之人，十分注重循環再用，近年喜歡找尋坊間不同的環保兼慳錢方法，實行慳得一蚊得一蚊！她自言是慳妹一名，希望可以物盡其用，今次她教大家用「洗米水」潔白衣服，簡單又實用！
嘉莉指「洗米水」的用途非常廣泛，既可美白護膚，又可潔白衣服，而且方法簡單：「將啲變黃咗嘅白色衫放喺洗米水度浸大約10零分鐘，再用番梘清潔，喺泛黃部分加以搓揉，咁就會發現件衫立即變白，好似新嘅一樣，可以唔使買漂白水都得。」她又表示此方法快捷實用，用後猶如新衫一樣，故她每次都會叮囑家人保留洗米水，更指大家洗衣服時絕對可以一試！