張彥博戴Bra驚觀眾嘔
藝人張彥博昨日上電台分享多年以來的音樂路，疲態盡現的他原來剛從加拿大拍畢福音電影回港，還未調整時差：「戲入面飾演江美儀同黃智賢（Ben）個仔，去咗9日，當地負十度好甘，仲不停流鼻血，不過同佢哋合作好開心，佢哋真係當我仔咁照顧，呢個組合就好似《親親我好媽》咁，好搞笑！」又指其中一場拍攝要跟Ben於街頭Busking，並大爆對方是唱得之人：「佢好唱得！要捉佢唱歌！」
此外，他透露日前客串無綫新劇《降魔的2.0》時再次扮女人，大方笑說：「大家鍾意咪扮囉！我不嬲都順應民意、不嬲都百變，最緊要大家開心，都唔怕戴多幾次Bra，係驚大家拎嚟餸飯會嘔咋，哈哈！」並指將會前往橫店孖好兄弟張致恒首次合作拍古裝：「暫時都未睇劇本，唔知有幾多對手戲。自己最近用咗4日幫一套卡通片配音，配完好High！」