預告再出情歌 鄭融Busking晒「琴」拿手
歌手鄭融昨日到電台繼續宣傳新歌《13樓的大笨象》，她透露接下來希望盡快推出多一首情歌：「同Wyman（黃偉文）傾偈傾到有啲要留言，都幾有趣！佢就有個Idea想做，自己都想快啲同公司開會，做首新歌去承接，今年會係情歌年。」
過去一個月密密宣傳新歌，鄭融興奮指今次充滿新鮮感，並感謝同事的投入及付出：「我哋有送杯、去玩Busking，又同Fans玩遊戲數MV入面有幾多隻大笨象，答啱就送Cupcake，好有創意！（下次開騷想以Busking形式？）我對唔同形式嘅表演都抱開放態度，之前都試過開Facebook Live，One Man Band嘅過程好忙。」問到下次會挑戰甚麼？她預告學琴中：「學彈番自己啲歌，想下個月玩多次Busking可以自彈自唱。」