謝安琪感染仔女 識走「塑」

歌手謝安琪與藝人唐文龍早前以環保大使身份拍攝宣傳片，呼籲大眾告別即棄塑膠。謝安琪已經第11年支持該活動，一直關心海洋塑膠問題：「不時喺網上睇到海龜畀飲管弄傷，或者喺死咗嘅鳥類胃內發現大量塑膠垃圾嘅片段，每次睇到都好心痛！」又指自己的環保習慣，不知不覺感染了孩子：「有次同小朋友睇電影，佢主動裝汽水至半滿，係為咗唔用汽水膠蓋同飲管，令我好驚喜。」
謝安琪擔任大使，宣揚減少使用即棄塑膠。
謝安琪擔任大使，宣揚減少使用即棄塑膠。

至於首次擔任大使的唐文龍，曾在美國修讀環境相關學科，見證近年塑膠垃圾於全球氾濫，故經常會做出回收手勢，宣揚環保：「等氣候暖化受控、人類唔再用即棄塑膠後，呢個標誌先可以功成身退。」透露將推出以環保物料為素材的眼鏡品牌。

唐文龍夥大熊貓公仔拍宣傳片。
  • 唐文龍夥大熊貓公仔拍宣傳片。