祖兒約人夫對食 睇戲直落

祖兒被發現與Gavin行街街，沒有避忌大方任影。

現年38歲的樂壇天后容祖兒與劉浩龍（師兄）相戀五年，去年初驚傳分手，但直至今年初，她才開腔承認回復單身，指兩人已分手一段時間。感情未有着落的她，早前孖老友關智斌去北海道滑雪，現時又要專心籌備8月舉行的演唱會，時間表排得密麻麻，難怪表示沒有時間諗拍拖！

並肩而行 傾到嘟嘴

已榮升人妻的好姊妹鍾欣潼（阿嬌），眼見祖兒Dry爆一段日子，為了閨蜜的幸福着想，早前親自去廟宇「點燈」，為對方祈求一年的愛情運。日前，祖兒趁不用開工，被發現到中環晚膳，身旁更多了一位男伴！兩人撐枱腳至晚上9時半，醫飽肚後雙雙步出餐廳，沿途並肩而行，期間更有講有笑，表情多多的祖兒傾到嘴嘟嘟，即使有途人認出兼眼望望，她都未有理會！他倆繼續邊行邊雞啄唔斷，可見心情不錯。其後，兩人步往附近戲院，當記者上前拍照時，祖兒亦表現大方，笑笑口翹埋雙手，然後齊齊入場睇戲。

祖兒與Gavin醫完肚去睇戲，邊行邊密斟，仲講到嘟晒嘴！	放大圖片	Gavin（左二）早前因與湯怡着「情侶鞋」而傳出緋聞。

正當以為祖兒有新戀情，但其實該男伴是曾跟湯怡傳緋聞、已為「人夫」的王菀之叔仔Gavin So，兩人更是好朋友，今次相約應該是陪祖兒解悶。