張振朗遭家法伺候 打到嘔白泡

張振朗被朱敏瀚打到飛起，仲嘔埋白泡。

無綫藝人張振朗在無綫劇集《極道怪咖》中飾演臥底，是一個擁有古惑仔外形的正派角色，當中有不少動作戲份。由於拍完《機場特警》後即拍此劇，當時因演特警操得一身Fit爆身形，故拍《極》劇時愈拍愈瘦，現時只得135磅。

毆朱敏瀚緊張

日前拍攝一場被朱敏瀚打到嘔血和嘔白泡的戲份，振朗受訪時說：「呢套劇我成日都被人打，係傷得最多嗰個，所以臥底一啲都唔易做，呢一場就講我被人家法伺候，被朱敏瀚打足五分鐘，一拳打到飛起，仲要一Shot落！想畀觀眾睇到個震撼，自己睇番條片都幾得意。」又透露之前有一場掌摑朱敏瀚的戲份，當時對方叫他大力打，狠狠之下更「啪」一聲，振朗說：「我當時問佢好唔好玩呀？佢話好玩呀！今次就被佢打番，不過永遠打人嗰個係緊張過被人打嗰個，因為怕打傷人嘛！」

朱敏瀚	神情相當痛苦！	張振朗（左）笠頭揸槍扮賊仔。

• 張振朗與王浩信情如兄弟，經常拍檔登台。

孖王浩信搵銀

振朗指這齣是喜劇，一班演員合作得很開心，而他繼兩年前與王浩信拍完《踩過界》後再合作，二人感情如兄弟一樣，依舊有火花，又不時拍檔登台搵銀，他笑言：「都開心嘅，我哋唱番《踩過界》主題曲都好有感覺，好似哥哥同細佬咁，我都當正佢係我大佬咁！」