藝人黃秋生昨午為ViuTV節目《晚吹－close噏》錄影，雙手布滿紅疹的他說：「濕疹，生咗幾個月，壓力嚟，自從媽咪過身，幫佢搞後事就咁，試過痕到瞓唔到。（心情好番未？）唔望媽咪啲嘢就得。」
躋身本屆金像影帝大熱，似「坐定粒六」的他謙稱：「我得獎嗰年，夠好多人以為係青雲，點知係我，平常心，都未決定去唔去，唔想好似舊年咁，我講嘢全場靜晒，一係古天樂代我攞，佢講乜都有人拍手掌。」
