呂慧儀撞傷手肘嗌痛 「回家」冇得抖
藝人「長腳蟹」呂慧儀昨日拍外景時發生意外，不慎失平衡撞傷手肘，急忙往醫院求診，事後頂硬上繼續開工，相當硬淨。
離婚後的呂慧儀努力自強，因參演無綫處境劇《愛·回家之開心速遞》形象討好而成功入屋，工作量兼收入穩定，閒時可照顧囝囝「蟹籽」，絕對是個好媽媽。
忙於為《愛》劇開工的她，昨日到酒店泳池拍外景，想不到發生意外受傷！隨後，她在社交網站上載限時圖片，見她手肘一大片紅腫，她留言：「受傷……痛死水水（角色名字）了。」另一條短片中，見她正接受治療，期間木無表情說：「真係好痛！」再留下「無奈」二字。
據悉，呂慧儀受傷後往醫院睇急症，證實未有骨裂，可謂不幸中之大幸。治療後，她即折返電視城繼續開工，期間遇上記者時說：「當時係手肘落地先，好彩唔算好嚴重，可以就住開工。（唔請假返屋企休息？）等陣都係企喺度講對白啫！OK嘅。」
埋位要拆手托
呂慧儀在職員餐廳撞見何遠東等拍檔，拍照「留念」自娛，似無大礙。何遠東接受本報訪問，表示昨日返公司攞劇本時撞見對方：「聽佢講拍外景整親手，我即刻慰問佢，但詳細係點就要問番佢。我淨係知佢夜晚仲要繼續工作，拍嗰時要拆咗個手托，都有叫佢好好休息，話晒我好關心佢戲入面同張景淳呢一對。」
