鄭融盼外籍男友街頭唱冧歌
鄭融和街頭歌手Judas Law前晚在銅鑼灣busking，吸引不少歌迷撐場。鄭融表示與Judas首次合作：「我宣傳新歌，想同之前有唔同嘅宣傳方法，所以就諗起busking，而諗起busking就諗起Judas。」Judas表示很期待與鄭融合作：「我以前成日聽鄭融啲歌。（係咪細細個就聽佢唱歌？）唔係嘅，到依家都會聽。」
問鄭融可會在街頭唱歌給外籍男友聽？她笑言：「如果係咁，我又覺得為佢做得太多嘢喇。佢喺街頭唱畀我聽先有新鮮感。（如果佢真係唱，你會唔會感動？）會感動嘅。（感動到喊？）會笑到喊！不過佢有時喺屋企都會哼我啲廣東歌，好好笑。」