JM攬啜小鮮肉懶理男友呷醋
藝人文詠珊（JM）近年主攻內地市場，劇集一套接一套，早前在雲南拍完古裝劇《新天龍八部》，即轉戰時裝劇。最近熱播的劇集《只為遇見你》中，她與小鮮肉張銘恩有不少咀戲，甜蜜程度爆燈。
花名「文怕水」
JM笑說：「我同張銘恩開拍咗幾日就有親熱戲，當時未係好熟，不過都唔會尷尬，因為我入行都一段時間啦！記得拍《熱愛島》時將銀幕初吻畀咗張震，當時做新人要好快投入。」問到男友吳啟楠有否探班？她坦言：「佢有時間都會嚟，因為我長時間唔喺香港，所以屋企人同朋友都會嚟搵我。（男友見你拍咀戲會唔會呷醋？）佢好體諒我工作。（打算幾時結婚？）有好消息會公布，我哋有計劃，大家唔好咁心急。」
她為了呈現最佳效果，不少動作場面都親身上陣，怕水的她在《只》劇要拍一場落水戲，笑言自己能上天但不能下海：「我有個花名叫『文怕水』，由細到大都好驚水，因為細個試過浸親。之前學過三次游水，但都學唔識。所以拍攝之前，導演同我做咗好多心理輔導。」
打算留港拍戲
密密搵人仔的她透露，打算今年留在香港拍電影：「過去兩、三年都喺內地工作，今年打算返香港拍戲，依家已經揀緊好嘅劇本。」
