吳君如冇得揀 焗住做Chok媽

相隔19年戲中眾男女主角現身台上分享重聚心情，再次飾演「項少龍」一角，古仔說：「當年套劇已經係2000年嘅事，好多人都想我哋拍電影版，當初冇諗過用原班演員，但後來都覺得用原班人馬先好睇。」宣萱稱知道對方話重拍，已經開心了幾年，現終於等到開拍這一日，心情興奮。久未露面的雪兒同樣開心，難得可以和一班朋友敍舊，再次見面感覺好Sweet。而郭羨妮則說：「《尋秦記》係我入行第一部作品，對我嚟講好重要，所以當知道拍電影版覺得好興奮。」而滕麗名亦說：「喺後台就畀古仔嚇一嚇，話要打到七彩，所以我希望佢畀多啲錢請多啲替身畀我。」林峯則言：「聽過佢講要拍呢部戲好耐，每次見到佢都話劇本又改緊，總之好精彩。」

故事延續19年後

之後古仔、宣萱和林峯一齊受訪，問到《尋秦記》何時正式開拍？他稱：「好快！」他透露故事是延續19年之後，古裝亦會有穿越時空。至於巡禮上公布今年計劃開拍及已完成的電影，包括科幻片《明日戰記》、《尋秦記》、《風雲》、《犯罪現場》、《電影痴漢》、《雞蛋仔》、《BABY復仇記》、《媽媽的神奇小子》等。講到開拍《風雲》，他表示會有新角色加入。之前鄭伊健同郭富城演「聶風」和「步驚雲」深入民心，可會邀兩人再演？他說：「未知，要記者會開先可以公布啦！」 提到今年開很多套戲，總投資多少？他笑說：「呢啲要問番電影公司。（你咪老闆囉！）唔講，呢啲係秘密。」

怕角色定型

另外，君如任新片《媽媽的神奇小子》監製及演出，是講述殘障運動員蘇樺偉的故事，講到台上她說不想演蘇媽一角，反想演蘇樺偉，她笑言：「好為難，因為我冇演過阿媽嘅角色，我個女都係12歲咋。（怕演過一次阿媽以後就演阿媽角色？）咁我明明仲好Chok嘛！」真的情願做蘇樺偉也不演蘇媽？她才認真說當然是演蘇媽，剛才導演台上講出來都是想要她演。至於劉青雲就說首次演科幻片《明》，感覺好新鮮，對於製作費達4.5億元，青雲笑稱今次自己沒有受傷，但老闆就好傷（荷包重創）。