老公勸唔好做 49歲莫文蔚放棄生仔：算吧啦！
韓團少女時代成員孝淵昨晚現身香港活動，還化身DJ打碟。準備展開巡唱的歌手莫文蔚、甄子丹及太太汪詩詩、關之琳等亦有現身，現場有不少女星爭風頭，「千億新抱」徐子淇露纖腰、周汶錡以Deep V性感現身，就連Rosemary亦以超Deep V性感示人。
一身粉紅打扮的莫文蔚透露剛從英國返港，叉足電準備巡迴演唱會，並希望可以在港舉行個唱：「一路都恨喺香港搞，仲想搞戶外，但知道好多限制，所以要睇吓點，如果成事都要年尾。」現年49歲的她又指被老公詐型太忙，故下年要放假陪對方，但放棄造人大計：「雖然佢都詐詐哋型，但都知我工作性質。（老公有冇叫你唔好做嘢？）成日都有叫，但唔做嘢可以做乜呢？（生仔囉！）唔好啦啩！算吧啦！」
甄子丹化身肥版李小龍
至於身穿緊身衫的關之琳透Bra示人，上圍及身形豐滿不少，她直認增磅了不少，目標希望減五磅：「過完年食咗好多嘢。（上圍有冇做手腳？）冇。（點減肥？）節食同跑步囉！好慘啊！太多引誘，又同朋友食飯，由聖誕節開始食朱古力，新年又食年糕，好有胃口。」但呻沒有追求者，化悲憤為食量。
另外，子丹有份主演的電影《肥龍過江》昨日公開海報及預告片，化上肥妝的他變身200多磅肥仔。海報中，子丹身穿李小龍的經典造型，手拿雙節棍，但肚腩就非常突出！
