朴寶劍喊住冧港迷

韓劇《雲畫的月光》及《男朋友》的男星朴寶劍前晚在亞博館舉行粉絲見面會,他唱出《I Like You》後,用廣東話跟粉絲打招呼:「大家好,我係朴寶劍,好掛住大家!」問到人生中最想做的事?他指是再來港見粉絲及在港拍戲,亦希望考到外語資格證和潛水牌。

朴寶劍與粉絲上演《男朋友》的經典場面,包括挨住膊頭睇日落、從後抱及幫粉絲戴圍巾,更親自整蠟燭送給粉絲,亦另外準備40份禮物送給港迷,相當有心。他唱出多首歌曲,兩度走落台跟粉絲近距離見面,又自彈自唱中文歌《月亮代表我的心》,期間他聽到粉絲大合唱,一度感動落淚。