鍾君揚「跑新聞」向外闖
前港男季軍鍾君揚（Freeyon）加入無綫後，一直擔任兒童節目《Think Big》的主持工作，最近正式離開兒童節目組，轉入劇組並連接兩劇《她。她。她的少女時代》及《法證先鋒IV》，還加入《東張西望》做外景主持！他早前有幸首次出埠到越南，孖住藝人譚凱琪擔任活動司儀，實行拍劇、主持雙線發展。
對於做外景主持，他坦言是一大挑戰：「雖然以 往做過唔少主持，但今次真係好唔同，因為我哋就好似跑新聞咁，經常有好多突發嘢發生！好似之前去到交通意外現場做採訪，係我第一次咁近距離去做報道，令我見識到好多唔同嘅嘢。」他又透露不時會於網上直播及拍片翻唱歌曲，希望不久將來有自己的原創作品面世。
