陳俞希人仔細細識Chok甫
由「O靚模」成功轉型做電視節目主持的陳俞希（Hailey C.），人仔細細已經懂得在鏡頭前大擺甫士！相中僅有3歲的她，身穿綠色波點裙襯上白襪，單手叉腰兼踮起腳尖，她笑說：「我細個都幾識擺甫士，但唔知點解去到中學時期就唔鍾意影相，連同屋企人去旅行大合照都唔想影，但後期做Model入行又鍾意番影相。」
Hailey自爆小時候並非乖乖女，曾被媽媽強迫上多項興趣班，當時對此十分不滿：「我細個好反叛o架！哈哈！讀書又唔係好叻，嗰時媽咪逼我學琴，我又好唔鍾意。不過其實我都學過好多嘢，有畫畫、跳舞等等，唯獨唔太鍾意彈琴，所以學咗一段時間就冇再學。」
