劉家豪梅小青孖孫百日宴 「六姨婆」小惠肉緊錫錫

升格為嫲嫲和爺爺級的金牌監製梅小青和劉家豪,昨日偕同兒子劉鎮然(Alfred)和新抱胡佩儀,為一對孖孫仔劉知衡(Aden)和劉知學(Alton)大搞百日宴,並慶祝Alfred榮升為律師樓合夥人,大批圈中好友陳煒、江欣燕、阮兆祥等出席。身為「六姨婆」的梅小惠向孖仔送「肉嘴」又抱又錫,更成為派對司儀,大搞氣氛!小惠說:「我由細就幫手湊姨甥仔Alfred,然後再幫手湊孖仔,但我經常都搞錯大孖同細孖。我打破咗世界紀錄,餵到佢哋食最多奶,一口氣食咗5.5安士。」

榮升六姨婆的小惠笑言「唔敢接受」:「叫我六姨婆冇所謂,叫少一句就要打佢哋Pat Pat,呢啲係禮貌!不過我諗我嘅出現會改寫族譜,原來六姨婆係咁後生同咁靚!」