祖兒笑Dear Jane少近女色

樂隊Dear Jane前晚舉行一連兩場首個紅館演唱會，終圓紅館開騷夢，主音Tim的愛妻楊洛婷組成「燈牌團」坐頭排為老公打氣送花，Tim亦回句「老婆，我愛你」恩愛放閃。首場請來好友容祖兒和周柏豪做嘉賓，柏豪率先登場，祖兒自爆當日主動說來做嘉賓竟換來「零反應」：「見到四條麻甩仔呆咗，咁係咩玩法呢？」成員Howie解釋是怕醜。祖兒笑言：「Band仔咁含蓄真係第一次見！係咪你哋少接觸女色呀！」引來全場爆笑。後來四子補回一句多謝才令祖兒滿意。