羅霖操靚線條影水着
藝人羅霖、黃澤鋒夫婦及黃建東等昨日出席《第五屆衍生獎學金啟動禮》活動，羅霖透露正籌備一本瘦身美容書，笑言要努力減肥：「雖然市道唔好，都搵到五個贊助商，會去東南亞影相，自己就想去泰國。（會唔會着三點式？）要睇身形點先，依家減咗5磅，希望再減5磅。（你都好弗吖？）年紀問題，已經有啲鬆，希望練番個線條。」
而黃澤鋒與懷有五個月身孕的太太恩愛現身，又以「皇太后」來形容太太，笑言去到邊都要扶實，並透露BB是女兒，問到改了名字未？他說：「李丞責話唔可以改名先，要等出咗世先決定叫乜嘢名，不過花名可以改，聽聞改女字邊好，所以個女嘅花名叫『黃妃』。（會唔會追多個？）唔想隔太遠，希望生完即刻再有。（咁你要勤力啲？）除咗嗰方面，仲要勤力搵錢養家，依家知係女，都擔心自己會縱佢。」
